சிலாங்கூர் மாநிலம் வெளியிடும் ஆண்டு காலண்டரில் விஷூ மலையாளப் புத்தாண்டு குறித்த விவரம் வெளியிடப்படும்!- பாப்பா ராய்டு அறிவிப்பு

-




எஸ்.எஸ்.மணிமாறன்

ஷா ஆலம், மே 5 -  சிலாங்கூர் மாநில அரசின் ஆண்டு காலண்டரில், விஷூ மலையாளப் புத்தாண்டு குறித்த தகவல் அடுத்த ஆண்டில் இடம் பெறும் என்று மனித வள மக்கள் நலப் பிரிவின் ஆட்சிக் குழு உறுப்பினர் பாப்பா ராய்டு வீரமான் தெரிவித்தார். 

வருடந்தோறும் வந்து போகும் அனைவரது விழா கால கொண்டாட்டம், புத்தாண்டு போன்ற விவரங்கள் இது காறும் மாநில காலண்டரில் இடம் பெற்று வந்த நிலையில், மலையாளிகள் ஆண்டுதோறும் வரவேற்று கொண்டாடும் விஷூ புத்தாண்டு தகவலும் வரும் ஆண்டில் இடம் பெறச் செய்யும் நடவடிக்கைகளை தாம் முன்னெடுத்துச் செயல்படுத்த விருப்பதாக அவர் கூறினார்.  



மலையாளிகள் சங்கத்தினர் இங்கு ஷா ஆலம் டேவான் அஸாலியா மண்டபத்தில் பல்வேறு மலையாள கலை கலாசார, ஆடல் பாடல் நிகழ்ச்சிகளுடன் நேர்த்தியாக ஏற்பாடு செய்திருந்த  மாநில அளவிலான விஷூ புத்தாண்டு கலை விழாவில் சிறப்பு அழைப்பாளராக வருகை தந்து கலந்து கொண்ட பாப்பா ராய்டு மேற்கண்ட அறிவிப்பை தமது வாழ்த்துரையில் குறிப்பிட்டார்.  




சிலாங்கூர் மாநில ரீதியில் வசித்து வரும் மலையாளிகள் மட்டும் இன்றி மலேசிய அளவில் வாழ்ந்து வரும் மலையாளிகள் குடும்பத்தினர் அனைவருக்கும் விஷூ மலையாளப் புத்தாண்டு வாழ்த்துகளை தெரிவித்துக் கொள்வதாக பந்திங் சட்ட மன்ற உறுப்பினருமான பாப்பா ராய்டு தமது வாழ்த்துரையில் தெரிவித்தார். 




மலையாளக் கலைஞர்களின் கலைப் படைப்புகள் பண்பாட்டு நிகழ்ச்சிகள் மனம் கவரும் வகையில் அமைந்துள்ளது கண்டு தாம் வெகுவாகப் பாராட்டுவதாக அவர் கூறினார். 





விஷூ மலையாளப் புத்தாண்டு கலை விழாவில், கோத்தா கெமுனிங் சட்ட மன்ற உறுப்பினர் பிரகாஷ் சம்புநாதன், டத்தோ ஜோய் அப்புகுட்டன்,  வி.பத்மநாதன், மலையாளிகள் சங்கத்தின் தேசியத் தலைவர் டாக்டர் கே.மனோகர் குருப்,  சிலாங்கூர் மாநில மலையாளிகள் சங்கத்தின் தலைவர் ஹில்டா அல்போசில்வா, பிரதமர் துறை சிறப்பு அதிகாரி ஜெஸ்டின் ராஜ் சவரிமுத்து, மற்றும் அழைக்கப்பட்ட பிரமுகர்கள் கிராமத் தலைவர்கள், மாநில அரசின் அதிகாரிகள், பொது மக்கள் என ஆயிரத்துக்கும் மேற்பட்டோர் விஷூ மலையாளப் புத்தாண்டு கலை விழாவில் பங்கேற்றனர்.-Alaiolinews

Comments

Post a Comment

Popular posts from this blog

மாநில அளவில் அனுமதியற்ற 688 வழிப்பாட்டுத் தலங்கள், சிலாங்கூர் சுல்தான் அறிவுறுத்தியும் தர்க்கம். பாப்பா ராய்டு விளக்கம்.

-
Image
எஸ்.எஸ்.மணிமாறன்.  பந்திங். மே 2.  மாநில அளவில் 688 அனுமதியற்ற வழிப்பாட்டுத் தலங்கள் குறித்து கடந்த 10.2.2026 இல் மேன்மை தங்கிய சிலாங்கூர் சுல்தான், சுல்தான் ஷாராப்புடின் இட்ரிஸ்ஷா அறிக்கை வழி தெள்ளத் தெளிவாக தெளிவுபடுத்தியும்  சில ஆலய நிர்வாகத்தினர் இந்த அறிவிப்பில் திருப்தியடையாமல் இன்னமும் தொடர்ந் து தம்மை நோக்கித் தர்க்கத்தில் இறங்கியுள்ளதாக மனித வள மக்கள் நலப் பிரிவின் ஆட்சிக் குழு உறுப்பினர் பாப்பா ராய்டு வீரமான் தெரிவித்தார்.    கடந்த வார சட்ட மன்ற 15 ஆவது கூட்டத் தொடரில் மேற்கண்ட தகவலை அவையில் ஆட்சிக் குழு உறுப்பினர் என்ற முறையில் உண்மைக்குப் புறம்பாகச் செயல்படாமல், உண்மையான நிலவரங்களை தாமும் இதை அவையில் தாக்கல் செய்ததாக அவர் விளக்கம் அளித்தார்.  மாநில அளவில் எழுந்துள்ள அனுமதியற்ற வழிப்பாட்டுத் தலங்களுக்கு மத்தியில்  தலை வெடித்து விடும் அளவுக்கு,  அடுத்தக் கட்ட நிலையில், அவரவருக்கு விரும்பான இடங்களில் கட்டப்பட்டு எழுந்துள்ள சிறு கோயில் பிரச்சினைகளுக்கும் இன்னமும் முடிவு காணப் படாமல் இருப்பதோடு, சிலர் அதற்கு தலைவராக மட்டுமே இருக்க வேண்டும் ...
Read more

வெ.52,120 செலவில் இந்தியர் இடுகாடு சாலை சீரமைப்பு - மாண்புமிகு சிவகுமாருக்கு நன்றி!!

-
Image
சிவாலெனின் பத்து காஜா, மே08- நீண்டக்காலமாக சீரமைக்கப்படாமலும் குண்டும் குழியுமாக இருந்த பத்துகாஜா இந்தியர் இடுகாடு சாலை பத்துகாஜா நாடாளுமன்ற உறுப்பினர் மாண்புமிகு வ.சிவகுமாரின் ஆக்கப்பூர்வப் பணியால் சீரமைக்கப்பட்டது. சம்மதப்பட்ட இடுகாடு நிர்வாகம் இச்சிக்கலுக்குத் தீர்வுகான நாடாளுமன்ற உறுப்பினரின் கவனத்திற்கு கொண்டு சென்ற நிலையில் பிரச்னைக்கு உடனடியாகத் தீர்வும் காணப்பட்டது. இது தொடர்பில் விவரித்த நாடாளுமன்ற உறுப்பினர் வ.சிவகுமார் நீண்டக்காலமாக நிலவிய இச்சிக்களுக்கு நிரந்திரத் தீர்வை ஏற்படுத்தும் வகையில் சாலைகள் சீரமைக்கப்பட்டு சாலை புதுப்பிக்கவும் பட்டதாக கூறினார். இச்சாலையை சீரமைத்து புதுப்பிக்க வெ.52 ஆயிரத்து 120 செலவு செய்யப்பட்டதாகவும் அவர் மேலும் தெரிவித்தார். முன்னதாக பத்து காஜா நாடாளுமன்றத்தில் மக்களுக்கான உட்கடமைப்பு சார்ந்த விவகாரங்களில் தனிக் கவனம் செலுத்தப்பட்டு வருவதாகவும் அது தொடர்பிலான பிரச்னைகள் நன்முறையில் கவனத்தில் கொள்ளப்பட்டு தீர்வுகளையும் ஏற்படுத்தி வருவதாக சிவகுமார் கூறினார். தொடர்ந்து மக்கள் பணியில் நனிச் சிறந்த சேவை மட்டுமின்றி தீர்வுகளையும் வழங்கி வரும் நாடாளுமன...
Read more

மலேசிய இந்துக்கள் மிகச்சிறப்பாகவும் பக்தியுடனும் சித்திராப் பௌர்ணமியை கொண்டாடுகின்றனர் ; டத்தோ சிவநேசன் கூறினார்..!

-
Image
டிகே.மூர்த்தி,  தெலுக் இந்தான், மே 3-சித்திராப் பௌர்ணமி என்றால் தெலுக் இந்தான், தெலுக் இந்தான் என்றால் சித்திராப் பௌர்ணமி என்ற ஆன்மிக அடையாளமிக்க அருள்மிகு ஸ்ரீ தெண்டாயுதபாணி கோயில் திருவிழா நாடெங்கும் ஒலிக்கச் செய்துள்ளது என்று பேரா ஆட்சிக்குழு உறுப்பினர் டத்தோ சிவநேசன் அச்சலிங்கம் கூறினார்.  தெலுக் இந்தான் நகரத்தார்களின் முன்னெடுப்பில், இன்று நடைபெற்றுக் கொண்டிருக்கும் இந்த திருவிழாவில் தமது குடும்பத்துடன் பங்கேற்றிருந்த அவர் தொடர்ந்து கூறுகையில், கடந்த ஆண்டைக் காட்டிலும், இவ்வாண்டு எல்லாமே நல்ல முறையில் சிறப்பாக நடைபெறுவதற்கு அடிப்படையாக இருக்கும் 190  பேர் மாநில கலகத் தடுப்பு படை வீரர்கள் மற்றும் மாவட்ட காவல் துறை அதிகாரிகளின் ஆளுமையினால் இந்த நிமிடம் வரை பொது மக்களிடம் இருந்து புகார் பெறவில்லை என்றால், திருவிழா பாதுகாப்புடன் நடத்தப்படுகிறது என அறியப்படுகிறது. அந்நிலையில் பேரா அரசு சார்பில் டத்தோ சிவநேசன் நன்றித் தெரிவித்தார்.   தவிர, ஊராட்சி மன்ற அதிகாரிகள்,  மாவட்ட நில அலுவலக அதிகாரி மற்றும் தீயணைப்பு படை வீரர்கள் மற்றும் மலேசிய இந்து சங்கத்தின் தெலுக...
Read more